قال الرئيس عبد الفتاح السيسي، إن الدولة المصرية ترحب بالقطاع الخاص في إدارة مشروعاتها.
وأضاف السيسي: “القطاع الخاص عاوز يتفضل معانا في المصانع والمشروعات الجديدة يتفضل.. وده كلام بقوله لرابع مرة.. أهلا وسهلا بالقطاع الخاص.. احنا محتاجين القطاع الخاص معانا”.
وتابع: “احنا أثبتنا أننا غير أكفاء في الإدارة على مدار 40 سنة فاتوا.. ده عيب.. عيب الاستمرار على نفس المسار والاقتراض علشان التطوير.. وبعد شوية اانا مش مش هكون موجود والوزير كمان مش هيكون موجود والمصانع دى تتدهور تانى لأن منظومة الأداء نتائجها الحقيقية حاجة”.
وأشار الرئيس، خلال كلمته في افتتاح مشروعات قومية جديدة بمحافظات الصعيد، اليوم الثلاثاء، إلى أنه عندما يكون القطاع الخاص شريك في إدارة المشروعات “هيكون معانا بفلوسه” وهذا لمصلحة البلد.
وأضاف: “بتوع قطاع الاعمال هيزعلوا منى.. لكن انا بتكلم في مصلحة أكبر.. بتكلم في مصلحة البلد.. انها تعيش وتكبر.. البلد تعيش وتكبر وتبقى المصانع عبارة عن أداة في الاقتصاد ورفاهية المجتمع.. وده مش هيحصل إلا لما تبقى منضبط في التعيين والتشغيل”.
وقال السيسي، إن المصانع الجديدة يجب أن يتوافر لها عناصر النجاح بشكل كامل، مضيفا: “أنا عاوز فرص نجاح للمصانع والشركات الجديدة منعا لتكرار اللى فات”.
وتابع: “أى مستثمر أو قطاع خاص لما بيعمل مصنع جديد مش بيكون عنده مشكلة في تحديث العمل داخل المصنع ده.. لانه قاعد بيدير صح.. الإدارة الجديدة مفيش فيها خواطر.. مش هعين حد في المصنع ملوش لزمة.. علشان قريبى أو معرفتى أو كلام هذا القبيل”.
