قال الرئيس عبد الفتاح السيسي اليوم “أنه لا يمكن أدي بطاقة تموين تاني لحد بيتجوز .. لو بتتجوز ومستني الدولة تديك بطاقة تموين يبقى إنت مش قادر تصرف .. إزاي يعني ده كلام مش مظبوط”.
أضاف خلال كلمته في افتتاح مشروعات تنموية جديدة : “أنا مش هأفرح غير لما دخل المواطن الشهري يصل لـ10 و20 ألف جنيه.. يمكن ساعتها أبقى راضي”.
وقال أن الدولة نفذت مجتمعات عمرانية للاستفادة من الأرض وأكبر قدر ممكن.. الأرقام دى كانت تتضخ بطريقة تانى ضمن “صياغة إدارة المال”.. بقول الكلام ده.. عندنا أراضى زراعية وتحتاج سكان.
تابع: “لما اقولك تعالى اسكن فيها تقولى لا افضل جنب عائلتى.. ولو عملتك هناك نحتاج إلى تكلفة أكبر.. الـ 300 ألف لتجهيز الفدان فقط من ناحية الزراعة فقط.. ومش تبقى حياة.. الفدان ممكن يوصل مليون جنيه لما اعمل تجمع عمرانى والمدرسة والمستشفى والطرق وشبكة الكهرباء وغيره.. هل لدينا القدرة المالية لكده؟!”
أكد، أنه عقب الانتهاء من مشروع “حياة كريمة”، سوف نكون حققنا نجاحا كبيرا في الملف المائى والحفاظ على المياه، قائلا: “لما نخلص برنامج “حياة كريمة” بنفكر انه مش هيكون فيه دولة زيينا في العالم بمنتهى الأمانة.. هنكون في قمة الدول اللى تعاملت مع المياه بأفضل وأكبر حجم من الرشد والاقتصاد.
وأضاف: “خلال السنوات القليلة الماضية.. ما تم إنفاقه يصل إلى 300 مليار جنيه في محطات المعالجة.. مش هنخلى في الصعيد محطة من المعالجة الأولية”.
