قال الرئيس عبد الفتاح السيسي اليوم أن “الدولة أنفقت 900 مليار على تنمية الصعيد في 30 سنة.. وفي السبع سنوات الماضية أنفقنا تريليون جنيه.. بنعوض اللى فات”.
وأضاف رئيس الجمهورية، خلال كلمته في افتتاح مشروعات تنموية جديدة بالصعيد: “اللى الدولة بتعلمه ده محاولة للتعويض.. ومش ابدا والله إساءة لحد.. محاولة لتعويض ما فتنا”.
وقال :”عاوزين نعيش وفى الأخر المواطن عاوز يعيش ، بس لازم يفهم ان ده لا يمكن يحصل ، أنا بسجل الكلام ده للتاريخ وللناس اللى بتتكلم في وسائل الاعلام قضية خطيرة جدا ان ما يكونش هناك أرضية فهم مشترك للواقع واسبابه وكمان حله..هيبقا في حتة والتحليل والتوصيف في حتة تانية”.
السيسي: ثقافة البناء على الاراضى الزراعية يجب مواجهتها
وأضاف الرئيس : “ثقافة البناء على الاراضى الزراعية يجب مواجهتها وثقافة النمو السكان.
ذكر: “بدون ان تقدر تنفق عليه لابد ان تتراجع.. هيقولى المبادرات.. احنا بنشتغل علي ده لكن يبقا أن العادة أصعب بكتير من مواجهتها بقوانين ولكن علي الأقل تبقا عارف انك بتحط نفسك في مشكلة ومستقبل الطفل وربنا مقالش كده ان احنا نعمل كده في نفسنا”.
وأضاف : “الموضوع مش كلام جميل ووعود واقولك مش تقلقى وكلنا مع بعض هنخلص.. الاجوزة العمرانية في المدن الجديدة.. هل أهالينا لديهم التفهم قد يكون تكلفة الحصول عليها في المكان الجديد أغلى ماليا كرقم مباشر.. ولما بنعمله يقولك احنا هعملها على أرضى ومش هتكون بنفس التكلفة.. واللى جبنه يعملها على ارضه.. وتنتهي الأرض الزراعية.. وفى النهاية بتضيع فرص على نفسك وبلدك”.
وقال ، أن الهدف من الحديث خلال المؤتمرات والافتتاحات المختلفة التوعية، : “الهدف من هذه الافتتاحات التوعية.. ممكن نفتتح المشروعات وبنقى سعداء كلنا.. ونقول كلمتين وخلاص.. ولكن نستدعى الدروس والعبرات لنشكل أرضية فهم مشتركة.. يعنى اختى اللى قالتلى اللى عنده 6 ومش عارفه اعيشهم.. طب انا قولتلها أنا عندى 100 مليون وعاوز اعيشهم.. الرد كان كده”.
